काठमाडौं, १७ जेठ । प्रधानमन्त्री पुष्पकमल दाहाल ‘प्रचण्ड’ भारतको राजधानी दिल्ली पुगेका छन्।
बुधबार ४ दिने भारत भ्रमणका लागि भर्खरै दिल्ली पुगेका प्रधानमन्त्री प्रचण्डसँग जम्बोटोली रहेको छ।
दाहालसँग ५ जना मन्त्री, ४७ जना सरकारी, ४१ जना निजी उद्योग व्यवसाय क्षेत्रका, ५ जना मिडिया प्रतिनिधि र डेढ दर्जन सचिव तथा सहसचिवहरू रहेका छन्।
भारत भ्रमणका क्रममा प्रधानमन्त्री प्रचण्डले भारतीय राष्ट्रपति, उपराष्ट्रपति, प्रधानमन्त्रीलगायतका उच्च पदस्थ व्यक्तिहरूलाई भेट्ने कार्यसूची रहेको छ।
सो क्रममा नेपाल र भारतको बीच केही सम्झौता हुने बताइएको छ।
