काठमाडौं,१७ जेठ । राष्ट्रपति रामचन्द्र पौडेलले पाँच देशका लागि गैरआवसीय राजदूत नियुक्त गरेका छन् ।
पौडेलले आज फिजी,अर्जेन्टिना, वेलारुस, नर्वे र टर्कीका लागि गैरआवसीय राजदूत नियुक्त गरेका हुन् ।
राष्ट्रपति कार्यालयका अनुसार अष्ट्रेलियाका आवसीय राजदूत कैलाशराज पोखरेललाई फिजी,रुसका आवसीय राजदूत मिलनराज तुलाधरलाई वेलारुस, ब्राजिलका आवसीय राजदूत निर्मलराज काफ्लेलाई अर्जेन्टिना, डेनमार्कका आवसीय राजदूत डा.रामस्वार्थ रायलाई नर्वे र पाकिस्तानका आवसीय राजदूत तापस अधिकारीलाई टर्कीको गैरआवसीय राजदूत नियुक्त गरिएको हो ।
