काठमाडौं, ८ असार । नेकपा (एकीकृत समाजवादी) का अध्यक्ष एवम् पूर्व प्रधानमन्त्री माधवकुमार नेपालले एमाले अध्यक्ष केपी शर्मा ओलीले कांग्रेसले नै सरकार चलाओस् भनिरहेको खुलासा गरेका हुन्।
आज (शुक्रबार) राजधानीमा आयोजित एक कार्यक्रममलाई सम्बोधन गर्दै अध्यक्ष नेपालले ओलीले कांग्रेसले नै सरकार चलाओस् र साथ दिन्छौं भनिरहेको खुलासा गरेका हुन्।
उनले भने, ‘ठूलो पार्टीले समाजवादी शक्तिलाई एकताबद्ध बनाउन चाहेन। उसले अहिले पनि के चाहेको छ भने आजको पत्रिकामा पढ्नुभयो होला। केपी ओलीले कांग्रेसलाई प्रभावित पारेर कांग्रेसले नै सरकार चलाओस्, साथ दिन तयार छौँ भनिरहेको छ। सुन्नुभएको छ हैन?’ यस्तै, उनले एमाले पार्टीको चरित्र कस्तो होला भन्दै प्रश्नसमेत गरेका छन्।
