काठमाडौँ,१३ असार । नेपालले एसीसी यू-१६ इस्ट जोन कपमा थाइल्यान्डविरुद्ध नेपालले शानदार जित दर्ता गरेको छ ।
मलेसियामा जारी प्रतियोगितामा नेपालले दिएको २६९ रनको लक्ष्य पछयाएर जवाफी ब्याटिङमा उत्रिएको थाइल्यान्ड १३.३ओभरमा मात्रै ४४ रनमा अलआउट भएपछि नेपाल २२६ रनले विजयी भएको हो ।
नेपालको शानदार जितमा नायक बनेका बलरद्धय शन्तोष यादव र अशोक धामीले ९ विकेट लिए । जसमा यादवको नामा पाँच विकेट रह्यो भने धामीको नाममा चार विकेट रह्यो ।
यसअघि टस जितेर पहिले ब्याटिङ गरेको नेपालले निर्धारित ३५ ओभरमा ८ विकेट गुमाई २ सय ६८ रन बनाएको थियो ।
नेपालका लागी ओपनिङ जोडी निरज यादव र सूर्यांशु कोइरालाले शतकीय साझेदारी गरेपछि नेपालले विशाल लक्ष्य प्रस्तुत गर्न सफल भएको हो ।
निरजले ४३ बलमा ७४ रन बनाउँदै अर्धशतकिय पारी खेले भने कुल ७ सुर्यांशुले ५५ बल खेली ३ चौकासहित ४० रनको योगदान दिए । त्यस्तै सन्तोष यादवले ४२ तथा र नरेन भट्टले ५३ रनको योगदान दिए ।
