काठमाडौं, १६ असार । नेपाली कांग्रेसका नेता ताराबहादुर कोइरालाले महामन्त्री गगन थापा र सभापति शेरबहादुर देउवा एउँटै भएको आरोप लगाएका छन्।
शनिबार काठमाडौंमा आयोजित पार्टीको कार्यक्रममा बोल्दै उनले महामन्त्री थापा फरक हुने भएका गुण्डा र डनको संरक्षण नगर्न सुझाव दिएका छन्।
उनले भने, ‘तपाईं र शेरबहादुर देउवामा के फरक भयो? महाधिवेशनमा तपाईंका नजिकका मान्छे केन्द्रीय सदस्य बनाउनुपर्ने। टिकटमा तपाईका भरौटे चाहिने, शेरबहादुरलाई पनि त्यस्तै चाहिने। तपाईं फरक हुने हो भने गुण्डा र डनको संरक्षण गर्दिन भन्नुस्। भ्रष्टाचार गर्दिन भन्नुस्। विपरित धारमा बग्ने आँट गर्नुस्।’
