काठमाडौं, १७ असार । राष्ट्रिय स्वतन्त्र पार्टीका सभापति रवि लामिछानेले जनताले वाक्कदिक्क भएर घण्टी बजाउन थालेको बताएका छन्।
आइतबार गोकर्णेश्वर नगर भेलालाई सम्बोधन गर्दै उनले जनताले वाक्कदिक्क भएर घण्टी बजाउन थालेको बताएका हुन्।
उनले भने, ‘यो गठबन्धन जनता जोगाउनको लागि बनेको होइन। त्यही देखेर वाक्कदिक्क भएर जनताले घण्टी बजाउन थालेका हुन्। जे आशाको साथ जनताले भोट दिएका छन् त्यसमा कुठाराघात गर्नको लागि एउटा स्वार्थ जोडिएको मान्छे जोडिनेबित्तिकै सबै यात्रा बिटुलो हुन्छ। हाम्रो यात्रालाई बिटुलो पार्नेलाई पार्टीभन्दा बाहिर राखेर भोटमात्रै बनाउनुहोला।’
उनले आउँदो ८४ सालसम्म खराब र पैसोको बिटो बोकेको मान्छे टाढा राख्नैपर्ने बताए।
