काठमाडौं,२७ असार । नेकपा माओवादी केन्द्रकी सल्लाहकार एवं प्रधानमन्त्री पुष्पकमल दाहाल प्रचण्ड पत्नी सीता दाहालको निधनप्रति नेकपा एमालेका अध्यक्ष तथा पूर्व प्रधानमन्त्री केपी शर्मा ओलीले दुख व्यक्त गरेका छन् ।
बुधबार सीता दाहालको निधनको खबर सार्वजनिक भए लगत्तै उनले सामाजिक सञ्जालमार्फत दुख व्यक्त गरेका हुन् ।
सामाजिक सञ्जालमा उनले लेखेका छन् ‘सम्माननीय प्रधानमन्त्री पुष्पकमल दाहालकी जीवन सङ्गिनी सीता दाहालको निधनको खबरले अत्यन्त दुःखी छु । दिवङ्गत सीता दाहालप्रति भावपूर्ण श्रद्धाञ्जली अर्पण गर्दै पत्नी वियोगमा रहनु भएका प्रधानमन्त्री पुष्पकमल दाहाल लगायत शोकाकुल परिवारमा गहिरो समवेदना प्रकट गर्दछु ’।
प्रचण्ड पत्नी दाहालको बिहान ८ बजे ६९ वर्षको उमेरमा नर्भिक अस्पतालमा निधन भएको थियो ।
