काठमाडौं,७ साउन । नेपाली कांग्रेसका केन्द्रीय सदस्य डा. मिनेन्द्र रिजालले पार्टीका महामन्त्री गगनकुमार थापालाई संसदीय दलको नेता बन्ने इच्छा नराख्न आग्रह गरेका छन् ।
पार्टीको ५ दिनदेखि जारी केन्द्रीय समितिको बैठकमा आफ्ना धारणा राख्दै रिजालले यस्तो आग्रह गर्दै पार्टीलाई राम्रो बनाउनेमा ध्यानदिन सुझाव दिएका छन् ।
उनले भने ‘महामन्त्री थापालाई सुझाव । सभापतिजी पनि चाहनुहुन्छ २०८४ मा पार्टी राम्रो बनोस्, बलियो बनोस्, महामन्त्री पनि चाहनुहुन्छ २०८४ सम्म यति गरौं कि २०८४ पछि मज्जैले अगाडि लैजान सकौं भनेर, कहाँनेर इन्ट्रेस्ट मिलेन भने, खोज्दै जाँदाखेरि संसदीय दलको छ नि त्यतातिर मन नडुलाए सभापति र महामन्त्रीको ध्यान एकैतर्फ हुन्छ जस्तो लाग्यो ।’
