काठमाडौं,७ साउन । श्रीलंकामा जारी एसीसी इर्मजिङ टिम्स एसिया कपको उपाधि जित्न पाकिस्तान ए ले भारत ए लाई ३५३ रनको विशाल लक्ष्य प्रस्तुत गरेको छ ।
आइतबार आर प्रेमादासा रंगशालामा टस हारेपछि ब्याटिङमा आएको पाकिस्तानले निर्धारित ५० ओभरमा आठ विकेट गुमाएर ३५२ रनको योगफल खडा गर्यो ।
पाकिस्तानका लागि तैय्यब ताहिरले १०८ रन बनाए । प्रारम्भिक ब्याट्सम्यानद्वय साइम अयुबले ५९ र साहिजादा फरहानले ६५ रन बनाए ।
भारतका लागि रियान पराग र राभर्दन हङगरगेकरले २-२ विकेट लिए।
