काठमाडौं,८ साउन । नेपाली कांग्रेसका उपसभापति पूर्णबहादुर खड्काले पार्टी सभापति शेरबहादुर देउवाले नबोलाएपनि बेला बेलामा भेट्न जान महामन्त्रीद्धय गगन थापा र विश्वप्रकाश शर्मालाई सुझाव दिएका छन् ।
सोमबारको केन्द्रीय कार्य समितिको बैठकमा बोल्दै खड्काले महामन्त्रीले सभापतिले नबोलाएको वास्ता नगरेको गुनासो गरेको भन्दै नबोलाएपनि भेट्न जान सुझाव दिएका हुन् ।
‘महामन्त्रीजीहरूले बोल्ने बेला भन्नुभयो सभापतिले बोलाएका बेलामा हामी जाने गरेका छौं । मेरो यसमा थप सुझाव छ । बोलाएका बेला मात्र होइन कि महामन्त्रीको जिम्मेवारी र पद सभापति र संस्थाको लागि कार्यकारी सल्लाहकार पद पनि हो, सभापति र महामन्त्रीका बीचमा संवाद बाक्लो भए राम्रो हुन्छ त्यसैले बेला बेलामा भेटघाट भएको राम्रो’ खड्काले भने।
