काठमाडौं, १५ साउन । वैदेशिक रोजगारीको लागि नेदरल्याण्ड पठाईदिन्छु भनी ठगी गर्ने कपिल बर्मालाई प्रहरीले पक्राउ गरेको छ । नेपाल प्रहरीको काठमाडौं उपत्यका अपराध अनुसन्धान कार्यालय मिन भवनले उनलाई मण्डिखाटरबाट पक्राउ गरेको हो । बर्माले विक्रम कार्कीसमेत ६ जनालाई वैदेशिक रोजगारीको लागि नेदरल्याण्ड पठाईदिन्छु भनी ४४ लाख ५० हजार ठगी गरेका थिए ।
बर्मालाई पक्राउ गरी अनुसन्धान तथा कारवाहीको लागि वैदेशिक रोजगार विभाग ताहाचल, पठाईएको प्रहरीले जनाएको छ ।
