काठमाडौं,१७ साउन । सत्तारुढ दल नेकपा माओवादी केन्द्रको केनद्रीय समितिको बैठक आजबाट सुरु भएको छ ।
लामो समयपछि बसेको बैठ ५ दिनसम्म चल्ने बताइको छ । आज पहिलो दिन पार्टी अध्यक्षसमेत रहेका प्रधानमन्त्री पुष्पकमल दाहल प्रचण्डसहित १८ जना नेताहरुले आफ्ना भनाइ राखेका छन् । बैठकमा बोल्ने प्रत्येक सदस्यलाई माओवादीले ५-५ मिनेटको समय छुट्टयाएको छ ।
बुधबार पहिलो दिनको बैठकमा बोल्ने अधिकांश नेताहरुले सरकारले राम्रो काम गरिरहेपनि त्यो प्रर्याप्त नभएको बताए । बैठकमा बोल्ने नेताहरूले प्रधानमन्त्रीको सचिवालय र उपप्रधानमन्त्रीको सचिवालयमा छोराछोरी राखेको विषय उठाउँदै आलोचनासमेत गरेका छन् ।
आजको बैठकमा केन्द्रीय सदस्य तथा प्रवास समन्वय समितिका कार्यबाहक इन्चार्ज लक्ष्मण पन्तले किन छोराछोरी सचिवालयमा राखेको भन्दै प्रश्न गरेका छन् ।
उनले बैठकमा भने,‘अध्यक्ष आफैँ रुपान्तरण नभई माओवादी पार्टी बन्दैन । अध्यक्ष र वरिष्ठ उपाध्यक्षले आफ्ना छोरी र भतिजोलाई लुटको आतंक मच्चाउन र लेनदेनको हिसाब मिलाउनका लागि सचिवालयमा राखेका हुन् । यस्तो होइन भने माओवादीमा धेरै नेता कार्यकर्ता छन् । किन प्रमुख स्वकीय सचिव बनाउनु हुन्न ?’
अहिले माओवादी केन्द्रका अध्यक्ष तथा प्रधानमन्त्री प्रचणपुत्री गंगा दाहाल प्रचण्डकी प्रमुख स्वकीय सचिव छिन् । भने उपप्रधान तथा गृहमन्त्री नारायणकाजी श्रेष्ठले पनि आफ्ना भतिजलाई स्वकीय सचिव बनाएका छन् ।
