काठमाडौं, २५ श्रावण । नेपाल विद्यार्थी संघ (नेविसंघ) को केन्द्रीय तदर्थ समितिमा अष्ट्रेलियामा अध्ययनरत सुनिल बिष्टलाई मनोनयन गरिएको छ। सोमबार बसेको नेविसंघको बैठकले मनोनीत गरेको हो।
कांग्रेस सभापति शेरबहादुर देउवाले सोमबार ७ सय १० जनालाई कार्यसमिति सदस्यमा मनोनीत गर्न निर्देशन दिएका हुन। सोही कमिटिमा बिष्ट परेका हुन्।
देउवाले दुजाङ शेर्पाको अध्यक्षतामा गठित तदर्थ समितिमा सदस्यको मनोनयन गरेको पार्टी कार्यालयका मुख्यसचिव कृष्णप्रसाद पौडेलले जारी गरेको विज्ञप्तिमा उल्लेख छ ।
को हुन बिष्ट
बर्दिया स्थायी घर भएका बिष्ट हाल अष्ट्रेलियाबाट इन्जिनियरिङमा स्नातकोत्तर तहको अध्ययनरत बिद्यार्थी हुन्। अन्तर्राष्ट्रिय सामाजिक संस्थामा आबद्ध रहेका बिष्ट सुदूरपश्चिम समाज अष्ट्रेलियाको संस्थापक टिममा कार्यरत रहेका छन्।
नेपाली कांग्रेसका अगुवा नेताको रुपमा कार्यरत बिष्ट सामाजिक सेवामा समर्पित रहेका छन्।
