काठमाडौं, २५ श्रावण । नक्कली शैक्षिक प्रमाणपत्रको आरोपमा कांग्रेस सांसद सुनिल शर्मा पक्राउ परेपछि नेपाली कांग्रेसले शर्मालाई पक्राउ गरेको जानकारी लिइरहेको बताएको छ।
बिहीबार पक्राउ परेका आफ्ना सांसदबारे कांग्रेस प्रमुख सचेतक रमेश लेखकले पक्राउबारे जानकारी लिइरहेको बताएका हुन्।
लेखकले भने, ‘सुनिल शर्मालाई पक्राउ गरेको बारेमा हामीलाई भर्खर जानकारी भएको छ। के कारणले, किन उहाँलाई पक्राउ गरेको भन्ने बारेमा जानकारी लिइरहेका छौँ। त्यसपछि के का लागि र किन पक्राउ गरेको भन्नेकुरा थाहा पाएपछि यसबारेमा आफ्नो धारणा सार्वजनिक गर्नेछौँ।’
सांसद शर्मालाई नक्कली शैक्षिक प्रमाणपत्र बनाएको आरोपमा सिआइबीले पक्राउ गरेको हो।
