काठमाडौं,२९ साउन । सरकारले बालश्रम मुक्त घोषणा गर्न १०४ स्थानीय तहलाई अनुदान वितरण गरेको छ ।
चालु आर्थिक वर्ष २०८०-८१ मा श्रम, रोजगार तथा सामाजिक सुरक्षा मन्त्रालयले यस्तो कार्यक्रमका लागि बजेट राखेको थियो ।
कार्यक्रम कार्यान्वयन भने स्थानीय सरकारमार्फत हुँदैछ । मन्त्रालयका अनुसार यो अभियान अन्तर्गत १ सय वटा स्थानीय तहलाई बालश्रम मुक्त तह घोषणा गर्ने लक्ष्य रहेको छ ।
यो प्रयोजनका लागि चालु आवमा २ करोड ९९ लाख ७० हजार रुपैयाँ बजेट विनियोजन भएको छ । मन्त्रालयले प्रतिस्थानीय तह ३ लाख रुपैयाँका दरले अनुदान दिएको बताएको छ ।
चालु आवमा थप स्थानीय तहले यो अभियान चलाउन चाहेमा समेत सरकारले अनुदानको व्यवस्था गर्ने भएको छ । यसका लागि ६० दिन भित्र प्रस्ताव पेश गर्न सक्ने समेत मन्त्रालयको भनाइ छ ।
यी हुन् अनुदान पाउने स्थानीय तहहरु
