काठमाडौं १ भदौ । अख्तियार दुरुपयोग अनुसन्धान आयोगले कपिलवस्तुको विजयनगर गाउँपालिका वडा नं.४ का वडाध्यक्ष तिलकराम कँडेलविरुद्ध भ्रष्टाचार मुद्दा दायर गरेको छ ।
आज (शुक्रबार) अख्तियारले शंकरपुर ताल ठेक्काको रकम ठेकेदारबाट लिई हिनामिना गरेको आरोपमा उनीविरुद्ध विशेष अदालतमा भ्रष्टाचार मुद्दा दायर गरेको हो । कँडेलले छ लाख दश हजार सार्वजनिक सम्पत्ति अपचलन गरेको अख्तियारको आरोप छ ।
तत्कालीन गाविस सचिव कृष्णकुमार चौधरी र ठेकेदार सेराज महम्मदलाई पनि उक्त मुद्दामा प्रतिवादी बनाइएको छ ।
