काठमाडौं, १ भदौ । प्रदर्शनीको तयारीमा रहेको ‘जय हो’ सिनेमाको टिम यतिबेला प्रचारप्रसारमा ब्यस्त रहेको छ । अहिले दैनिकजसो सिनेमा निर्माणको टिमहरु कुनै न कुनै कार्यक्रममा सहभागी भएर सिनेमाको प्रचार प्रसार गरिरहेका छन् ।
सिनेमा निर्माणको टिमले आज (शुक्रबार) चुच्चेपाटी स्थित मनास्लु कलेज पुगेर प्रचारप्रसार गरेको थियो । कलेजका करिब एक हजार विद्यार्थीमाझ सिनेमाका मुख्य कलाकार सलोन बस्नेत, केकी अधिकारी, प्रस्तुतकर्ता शोभित बस्नेत र निर्देशक टेक पौरखी राई जय होको बारेमा जानकारी गराएका थिए ।
सिनेमाका मुख्य अभिनेत बस्नेतले आफ्नै स्वरमा रहेको गीत सपनाको वेडिङ्ग गाएर कलेजका विद्यार्थीमाझ सुनाएका थिए ।
‘जय हो टिम’ ले करिब एक घन्टा विद्यार्थीसँग विताएको थियो। विद्यार्थीहरुले पनि सिनेमाको बारेमा निकै चासोका साथ टिमसँग अन्तरक्रिया गरेका थिए।
सिनेमाको निर्देशन टेक पौरखी राईले गरेका छन् । सिनेमामा सुरज ल्वागन (सरकार) र राज के अधिकारीको लगानी रहेको छ । ‘जय हो’ सिनेमामा केकी र सलोनका अलवा माओत्से गुरुङ, निशा अधिकारी, अर्पण थापा, सुमिन गुरुङ, सुशान्त श्रेष्ठको पनि अभिनय छ ।
शोभित बस्नेत प्रस्तुतकर्ता रहेको सिनेमामा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन र समीर मियाँको भीएफएक्स छ। सिनेमा आगामी भदौ ८ गतेबाट प्रदर्शनीमा आउने बताइएको छ ।
सिनेमामा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत, रहेको छ ।
सलोन सलिना फिल्म्सको व्यानरमा निर्माण भएको सिनेमाको मुख्य सहायक निर्देशक दिप्त प्रकास अधिकारी, प्रोडक्सन डिजाइनर केबलमान सिङ बस्नेत र प्रोडक्सन हेड समीर खान हुन्।
