काठमाडौं, ५ भदौ । नेपाली राष्ट्रिय क्रिकेट टीमका प्रमुख प्रशिक्षक मोन्टी देसाईले सन्दीप लामिछाने च्याम्पियन क्रिकेटर भएको बताएका छन्।
मंगलबार नेपाल क्रिकेट संघ (क्यान)ले आयोजना गरेको पत्रकार सम्मेलनमा बोल्दै प्रशिक्षक देसाईले लामिछाने च्याम्पियन क्रिकेटर भएको बताएका हुन्।
उनले भने, ‘आई डन्ट थिंक सो। हामी साउथ अफ्रिका जाँदापनि सन्दीप ढिला आएका थिए। ऊ विश्वकप क्वालिफायरमा पनि गएको थियो। यो एउटा फरक परिस्थिति हो। यसलाई बुझ्नुपर्छ। हामीलाई थाहा छ कि ऊ एउटा च्याम्पियन क्रिकेटर हो। हामी डे्सिङ रुममा प्रार्थना गरिरहेका छौं कि सत्यको जीत होस्। फैसला आएपछि एउटा रिलिफ हुनेछ। फरक परिस्थितिको सामना गरिरहेको हुँदा उसलाई अलिकति स्पेस दिनुपर्छ। बीचमा उसको तारिख छ भन्ने सुनेको छु, जसमा उसले उपस्थित हुनुपर्छ। त्यसैले ढिलाइका लागि अनुमति दिनुपर्छ।’
