काठमाडौं,१३ भदौ । आजदेखि सुरू हुने एसिया कप क्रिकेट प्रतियोगितामा नेपालले पाकिस्तानविरुद्ध पहिले फिल्डिङ गर्ने भएको छ । पाकिस्तानको मुल्तान क्रिकेट मैदानमा नेपालले टस हारेपछि पाकिस्तानले ब्याटिङ रोजेपछि नेपालले फिल्डिङ गर्न लागेको हो ।
नेपालले पहिलोपटक एकदिवसीय वरीयताको शीर्ष स्थानमा रहेको टिमसँग खेल्न लागेको हो । यसअघि नेपालले आइसिसीका अरु स्थायी सदस्यविरूद्ध खेले पनि वरीयताको नम्बर एक टिमसँग भने एकदिवसीय खेल खेलेको थिएन।
नेपाल र पाकिस्तानविरुद्धको खेल अहिले ३ः १५ बाट सुरू हुनेछ । नेपाल रोहित पौडेलको कप्तानीमा मैदान उत्रिँदैछ। पाकिस्तानको कमानी बाबर आजमले सम्हाल्नेछन्।
