काठमाडौं,१३ भदौ । एसिया कप क्रिकेटको उद्धघाटन खेलमा अहिले नेपालले विश्व क्रिकेटको महारथी राष्ट्र पाकिस्तानविरुद्ध वलिङ गरिरहेको छ ।
पाकिस्तानको मुल्तान क्रिकेट मैदानमा टस हारेर बलिङ गरिरहेको नेपाल पाकिस्तान सामू संघर्षशील देखिएको छ । पाकिस्तानका कप्तान बाबर आजमको घातक ब्याटिङ सामू नेपाल निरिह देखिएको हो ।
कप्तान अजामले शानदार प्रदर्शन गर्दै नेपालविरुद्ध शतक प्रहार गरेका छन् । उनी यो संस्करणको एसिया कपमा शतक प्रहार गर्ने पहिलो खेलाडि बनेका छन् ।
नेपालविरुद्ध शतक हानेका आजमले १०९ बलको सामना गर्दै १० चौकाको मद्दतमा १०१ रन बनाएका छन् ।
ताजा अवस्थामा पाकिस्तानले ४२ ओभरको खेल चलिरहँदा ४ विकेटको क्षतिमा २ सय २५ रन बनाएर खेलिरहेको छ । अहिले पाकिस्तानको क्रिजमा कप्तान आजम र इफ्तिखार अहमद रहेका छन् ।
