काठमाडौं,१८ भदौ । एसिया कप क्रिकेटअन्तर्गत नेपाल भारतबीचको केहीबेरमा सुरु हुने खेलमा नेपालले पहिले ब्याटिङ गर्ने भएको छ ।
श्रीलंकाको पेल्लेकेले मैदानमा भारतले टस जितेपछि भारतका कप्तान रोहित शर्माले पहिला बलिङ गर्ने निर्णय लिएका हुन् । खेल नेपाली समय अनुसार दिउँसो ३ः १५ बाट सुरु हुनेछ ।
समूह ‘ए’ बाट पाकिस्तान प्रतियोगिताको ‘सुपर फोर’ चरणमा पुगिसकेको छ । नेपाल र भारतबीचको खेलमा विजयी हुने टोली पनि ‘सुपर फोर’ चरणमा पुग्नेछ । त्यसैले यो खेल नेपाल र भारत दुवै टोलीका लागि उत्तिकै महत्त्वपूर्ण छ ।
