एसिया कप खेलेर फर्किएको नेपाली टिमलाई विमानस्थलमा भव्य स्वागत (तस्बिरहरु)

काठमाडौं,२० भदौ । एसिया कप क्रिकेट-२०२३ मा सहभागी भएको नेपाली क्रिकेट टोली नेपाल फर्किएको छ ।

पाकिस्तान र श्रीलंकामा भएको खेलमा नेपाल आफूले खेलेका दुबै खेलमा पराजित भएपनि उत्कृष्ट प्रदर्शन गरेको थियो । जसको अहिले निक्कै चर्चा भइरहेको छ । नेपाल आफ्नो पहिलो खेलमा पाकिस्तानसँग २३८ रन र भारतसँग १० विकेटले पराजित भएको थियो ।

एसिया कप खेलेर स्वदेश फर्केको टोलीलाई आज विमानस्थलमा सशस्त्र प्रहरीको ब्याण्डले बाजागाजासहित स्वागत गरेको हो । खेलाडीहरुको स्वागत गर्न पुगेका समर्थकहरुले विमानस्थलमा समर्थन गर्दै नाराबाजी लगाएका थिए ।

तस्बिरहरु: मुकुन्द कालिकोटे- रिर्पोटस नेपाल