काठमाडौं,२२ भदौ । नेपाली कांग्रेसका नेता तथा समाजवादी चिन्तक स्व.प्रदीप गिरिको पूर्ण कदको प्रतिमा सिरहाको लहान नगरपालिका–१४ स्थित गिरिको आश्रममा अनावरण गरिएको छ ।
उनको प्रथम वार्षिकोत्सवका अवसरमा आज एक समारोहबीच प्रधानमन्त्री पुष्पकमल दाहाल ‘प्रचण्ड’ले उक्त प्रतिमाको अनावरण गेका हुन् ।
लहान–१४ खुट्टी खोलाको छेउमा स्व नेता गिरि विसं २०४६ सालपछि बस्दै आएका थिए । उक्त ठाउँलाई गिरिको आश्रम भनेर चिनिन्छ । उनी यस क्षेत्रका पूर्वसांसद पनि थिए । विसं २०७४ मा उनी निर्वाचित भएका थिए ।
नेपाली राजनीतिक वृत्तमा एक सरल र बौद्धिक नेताका रुपमा उनी चिनिन्छन् । गिरिको एक वर्ष पहिले काठमाण्डौँको मेडिसिटी हस्पिटलमा क्यान्सर सङ्क्रमणले उपचारका क्रममा निधन भएको थियो ।
शालिक अनावरण कार्यक्रममा प्रधानमन्त्री प्रचण्डसँगै अर्थमन्त्री डा प्रकाशशरण महत, परराष्ट्रमनत्री एनपी साउद, गिरी पत्नी भारती सिलवाललगायतको उपस्थिती रहेको थियो ।
