काठमाडौं, २७ भदौ । अभिनेतृ एवं निर्देशक दीपाश्री निरौलाले स्वर्गीय सुवास नेम्वाङप्रति अन्तिम श्रद्धाञ्जली अर्पण गरेकी छन् । आज (बुधबार) नेकपा (एमाले) को पार्टी मुख्यालयमा पुगेर उनले नेम्वाङप्रति श्रद्धाञ्जली अर्पण गरेकी हुन् ।
एमाले उपाध्यक्ष तथा संविधानसभाका अध्यक्ष नेम्वाङको हिजो (मंगलबार) विहान हृदयघाताका कारण निधन भएको थियो ।
नेम्वाङको पार्थिव शरीर आज दिउँसोसम्म एमाले मुख्यालय च्यासलमा राखिने छ । उनको अन्तिम संस्कार भोलि (बिहीबार) राजकीय सम्मानसहित गरिने भएको छ ।
एमाले पार्टी मुख्यालय च्यासल पुगेर यसअघि शीर्ष नेता, नेपालस्थित् विभिन्न देशका नियोग प्रमुखहरुले नेम्वाङप्रति श्रद्धाञ्जली अर्पण गरिसकेका छन् । तस्विरः मुकुन्द कालिकोटे, रिपोर्टर्स नेपाल डटकम
