काठमाडौं, २९ भदौ । वरिष्ठ मुटुरोग विशेषज्ञ डा. ओममूर्ति अनिलद्वारा लिखित पुस्तक ‘जीवन्त सम्बन्ध’ को कभर फोटो सार्वजनिक भएको छ । वरिष्ठ मुटुरोग विशेषज्ञ रहेका डा.अनिलको उक्त पुस्तक जीवन र जगतसँग सम्बन्धित रहेको बताइएको छ । पुस्तक असोज ५ गतेबाट बजारमा आउनेछ ।
पुस्तकको कभर फोटो डा. अनिलकी धर्मपत्नी मनिशा र छोरी अनिशाले सार्वजनिक गरेका हुन् । पुस्तक विक्रीबाट प्राप्त भएको रकम असहाय वृद्ध बृद्दाका लागि खर्च गरिने बताइएको छ । पुस्तकको मूल्य साधारण प्रति छ सय र हार्ड कपी कभरको एक हजार रहेको छ ।
