काठमाडौं,२ असोज । नेपाली कांग्रेसको संस्थापन इतर समूहको बैठक सुरु भएको छ । संस्थापन इतर समूहको नेतृत्व गरिरहेका नेता शेखर कोइरालाले बोलाएको बैठक बालुवाटारस्थित सम्पर्क कार्यालयमा सुरु भएको हो ।
बैठकमा महामन्त्री गगन थापासहितका नेताहरु सहभागी भएका छन् । अर्का महामन्त्री विश्वप्रकाश शर्मा भने यो भेलामा सहभागी छैनन् । उनलाई पनि आमन्त्रण गरिएको भएपनि उनी र युवा नेता प्रदीप पौडेल सहभागी नभएका हुन् ।
सम्पर्क कार्यालय बालुवाटारमा दिउँसो २ बजेदेखि सुरु भएको यो बैठकले आगामी बिहीबार बस्ने केन्द्रीय कार्यसमितिमा एकजुट भएर प्रस्तुत हुने गरी रणनीति बनाउने योजना छ।
