काठमाडौं, २९ असोज । प्रधानमन्त्री पुष्पकमल दाहाल ‘प्रचण्ड’ लाई कैलालीमा क्रान्तिकारी कम्युनिष्ट पार्टीले कालो झण्डा देखाएको छ ।
आज (सोमबार) लम्किचुहा नगरपालिकाको भवन शिलान्यास गरी धनगढी फर्किने क्रममा क्रान्तिकारी कम्युनिष्ट पार्टी कैलालीले मसुरियामा कालो झण्डा देखाएर विरोध गरेको हो ।
अमेरिकी सहयोग परियोजना एमसीसी सम्झौता गरेर राष्ट्रघाती काम गरेकाले कालो भण्डा देखाएर विरोध गरिएको क्रान्तिकारी कम्युनिष्ट पार्टी कैलालीले जनाएको छ ।
