काठमाडौं, २१ पुस । मुक्तककार नम्रता उप्रेतीद्वारा लिखित ‘शस्यमञ्जरी’ मुक्तक संहग्र विमोचन गरिएको छ । आज (शनिबार) काठमाडौंमा आयोजित कार्यक्रममा उक्त मुक्तक संग्रह विमोचन गरिएको हो । उक्त विमोचन कार्यक्रममा साहित्यकार वियोगी बुढाथोकी, प्रा.डा. गोविन्द मानसिंह कार्की लगायत साहित्यकार र पाठकहरुको उपस्थिति रहेको थियो ।
साहित्यकार उप्रेतीले मुक्तक, कविता, गीत, हाइकु, सेन्यु, गजललगायतका विधामा कलम चलाएकी छन् । यसअघि उनका मुक्तक माधुर्य (संयुक्मुक्तक सङ्ग्रह), मुक्तकमा समावेत स्वरहरू (संयुक्त मुक्तकसङ्ग्रह) मुक्तक चौतारी (संयुक्त मुक्तक सङ्ग्रह), नारी हस्ताक्षर (संयुक्त मुक्तक सङ्ग्रह) प्रकाशन भइसकेका छन् । साथै, उनका रचनाहरु विभिन्न पत्र– पत्रिकामा निरन्तर प्रकाशित भइरहेका छन् ।
