काठमाडौं,२ माघ । प्रधानमन्त्री कप राष्ट्रिय एकदिवसीय क्रिकेट अन्तर्गत विभागीय टिम नेपाल पुलिसविरुद्धको खेलमा कोशी प्रदेशका खेलाडी सुजन थपलियाले अर्धशतक प्रहार गरेका छन् ।
कीर्तिपूरस्थित त्रिवि मैदानमा पहिला ब्याटिङ गरिरहेको कोशीले खराब प्रदर्शन गरिरहँदा सुजनले अर्धशत प्रहार गरेका हुन् । उनी ७० बलमा ५ छक्का र २ चौका हिर्काउँदै ५५ रन बनाएर खेलिरहेका छन् । ताजा अवस्थामा कोशीले २९ ओभरको समाप्तीमा ७ विकेट गुमाएर ८९ रन जोडेको छ ।
