काठमाडौं,५ माघ । बोक्साको आरोपमा आफनै काकाको हत्या गरेर फरार रहेका भतिजसहित २ जना १५ वर्षपछि पक्राउ परेका छन् ।
काठमाडौं उपत्यका अपराध अनुसन्धान कार्यालयले २०६५ सालको असोज २९ गते बोक्साको आरोपमा काभ्रेको तत्कालीन शिखर आम्बोटे गाविस वडा नं-१, हालको रोशि गाउँपालिका वडा नं-३ स्थित चमार सिंह मगर भन्ने जनक बहादुर मगरको हत्या गर्ने टंक बहादुर मगर र सन्त बहादुर मगर १५ वर्षपछि पक्राउ परेका हुन् ।
उनीहरुले हत्या गरिएका जनक मगरलाई बोक्सीको आरोप लगाई कुटपिट पश्चात हत्या गरी फरार रहेको प्रहरले जनाएको छ ।
काठमाण्डौं उपत्यका अपराध अनुसन्धान कार्यालयको प्रहरी टोलीले सन्तबहादुर मगरलाई आवश्यक कारवाहीको लागी जिल्ला अदालत काठमाण्डौमा बुझाईएको र टंक बहादुर मगरको स्वास्थ्यमा समस्या आएको कारणले उपचार पश्चात आज आवश्यक कानूनी कारवाहीको लागी जिल्ला अदालत काठमाण्डौमा बुझाईएको प्रहरीले जनाएको छ ।
