काठमाडौं,८ माघ । प्रधानमन्त्री कप एकदिवसीय क्रिकेटमा मधेश प्रदेशका खेलाडी पवन सर्राफले अर्धशतक पूरा गरेका छन् ।
कीर्तिपूरस्थित त्रिवि क्रिकेट मैदानमा ब्याटिङ गरिरहेको मधेशका लागि पवनले ४८ बलमा ४ छक्का र २ चौकासहित ५१ रन जोडेका हुन् । जारी प्रधानमन्त्री कपमा पवनको यो तेस्रो अर्धशतक हो उनले यसअघि आर्मीसँगको खेलमा ६५ रन र एपीएफविरुद्ध ६४ रनको अर्धशतकीय पारी खेलेका थिए ।
ताजा अवस्थामा सुदूरपश्चिम प्रदेशविरुद्ध मधेशले ४० ओभरमा मात्र २ विकेट गुमाएर २२४ रन जोडेको छ ।
