काठमाडौं,९ माघ । नेपाली कांग्रेसका नेता तथा गण्डकी प्रदेशका पूर्व मुख्यमन्त्री कृष्णचन्द्र शर्मा पोखरेललाई मातृ शोक परेको छ ।
पूर्व मुख्यमन्त्री पोखरेलकी आमा तथा नेपाली कांग्रेसकी नेतृ द्रौपदा शर्मा पोखरेलको आज बिहान निधन भएको हो । १०२ वर्षीया पोखरेलको बिहान ४ बजे सामाखुसी रानीबारीस्थित निवासमा निधन भएको हो ।
द्रौपदा स्वर्गीय गोवर्द्धन शर्मा पोखरेलकी धर्मपत्नी तथा संविधानसभा सदस्य रामचन्द्र, गण्डकी प्रदेशका पूर्व मुख्यमन्त्री कृष्णचन्द्र, योजना आयोगको पूर्व उपाध्यक्ष डा। जगदीशचन्द्र र सुवास पोख्रेल तथा छोरीहरू प्रियंवदा र सत्यवतीका आमा हुन् ।
उनी गोवर्द्धन शर्मा स्मृति ट्रस्टको अध्यक्ष र संरक्षक समेत थिइन् । आजै पशुपति आर्यघाटमा उनको अन्त्येष्टि गरिने बताईएको छ ।
