काठमाडौं,११ माघ । राष्ट्रिय सभा निर्वाचनमा कोशी प्रदेशबाट नेपाली कांग्रेसका उम्मेदवार कृष्णप्रसाद सिटौला विजयी भएका छन् ।उनी सत्ता गठबन्धनबाट साझा उम्मेदवार थिए।
सिटौला पाँच हजार दुई सय ९२ मतभारसहित निर्वाचित भएका हुन्।
कोशीमा नेकपा एमाले र राप्रपा गठबन्धनबाट राप्रपाका उद्धव पौडेल पराजित भए। उनले चार हजार पाँच सय ६२ मतभार ल्याएका छन्।
सिटौलाको पक्षमा स्थानीय तहतर्फको १५८ मतभार र पौडेलको पक्षमा १०९ मतभार परेको छ।
यसमा स्थानीय तहतर्फ एमालेका केही मतदाताको पनि मत सिटौलालाई गएको बताइएको छ।
