काठमाडौं,१४ माघ । प्रधानमन्त्री कप एकदिवसीय क्रिकेटमा मधेश प्रदेशले लुम्बिनी प्रदेशलाई १७० रनको लक्ष्य प्रस्तुत गरेको छ ।
माथिल्लो मूलपानी मैदानमा टस हारेर पहिले ब्याटिङ गरेको मधेश ४१।३ ओभरमा १६९ रनमा अलआउट भयो । मधेशका लागि अरनिको यादवले सर्वाधिक ३८ रन जोडे भने पवन सर्राफ र अभिषेक तिवारीले समान २६-२६ तथा मयन यादवले २२, अनिल साहले १६ रप्रदीप पासवानले १० रन थपे । मधेशले १८ रन अतिरिक्तमा पाएको थियो ।
मधेशलाई मध्यम गतिमा रोक्न लुम्बिनीका वीर मगरले चार तथा अभिषेक गौतमले तीन विकेट लिए । कृष्ण कार्की, निर्मल गुरुङ र महमद हुसेनको नाममा पनि समान एक विकेट रह्यो ।
