काठमाडौं,१७ माघ । आईसीसी यू-१९ विश्वकप क्रिकेटमा बंगलादेशविरुद्ध सुरुआतमा ब्याटिङ गरिरहेको नेपालले खराब प्रदर्शन गरिरहेको छ ।
टस जितेर सुरुआतमा ब्याटिङ थालेको नेपालले ४० ओभरमा ७ विकेट गुमाएर मात्र १३३ रन जोडेको छ । नेपालकबा लागि सबैभन्दा आशा गरिएको राष्ट्रिय क्रिकेट टिमका अलराण्डर गुल्सन झा आज पनि फ्ल्प सावित भएका छन् । उनी ३ रनमै आउट भएका छन् ।
समूह चरणमा गुल्शनले न्युजिल्याण्डविरुद्ध २, पाकिस्तानविरुद्ध १८ र अफगानिस्तानविरुद्ध १ रन बनाएका थिए ।
बंगलादेशविरुद्ध ब्याटिङमा संघर्ष गरिरहेको नेपालका लागि विशाल विक्रम केसीले सर्वाधिक ४६ रन जोडेर क्रिजमा रहेका छन् भने कप्तान देव खनालले ३५ रन जोडेर आउट भएका छन् ।
