काठमाडौं,१९ माघ । आईसीसी यू-१९ विश्वकप क्रिकेटअन्तर्गत सुपर सिक्सको अन्तिम खेलमा भारतविरुद्ध नेपालले बलिङ गरिरहेको छ । टस जितेको भारतले सुरुमा ब्याटिङ गर्ने निर्णय लिएपछि नेपालले बलिङ गरिरहेको हो ।
सुरुआतमा ब्याटिङ गरिरहेको भारतले आक्रामक रुपमा पाली अगाडि बढाईरहेको छ । ताजा अवस्थामा ३४ ओभरको समाप्तीमा भारतले मात्र ३ विकेट गुमाएर १८१ रन जोडेको छ ।
नेपालविरुद्ध भारतले २ खेलाडीले अर्धशतक पूरा गरेका छन् । हाल क्रिजमा रहेका सचिन दाश ६१ बलमा ६ चौका र २ छक्काको मद्दतमा ६४ रन बनाएर खेलिरहँदा उदय शर्माले पनि ५१ रनको अर्धशतकीय इनिङ खेलिसकेका छन् ।
नेपाका लागि गुल्सन झा र आकाश त्रिपाठीले समान १ विकेट लिएका छन् । नेपाल औपचारिक रुपमा प्रतियोगीताबाट बाहिरिसकेको छ भने भारत नेपालसँगको खेल अगावै अर्को चरणमा पुगिसकेको छ ।
