काठमाडौं, २० माघ । जनता समाजवादी पार्टी (जसपा) नेपालको शेर्पालुङ राष्ट्रिय समिति (बागमती प्रदेश) पुनर्गठन भएको छ । शुक्रबार दोलखाको जिरीमा आयोजित कार्यक्रममबाट दावा शेर्पाको अध्यक्षतामा २५ सदस्यीय समिति पुनर्गठन गरिएको हो ।
समितिको उपाध्यक्षमा नुर्बु शेर्पा, दिर्घमान तामाङ, ल्हमु शेर्पा र मुख्यसचिव महेशकुमार राना मगर सचिव फुर्पु छिरिङ ल्होमी, राज लामा शेर्पा र कोषाध्यक्षमा दोर्जे शेर्पा गोरे चयन भएका छन् ।
त्यस्तै सोही कार्यक्रमबाट समितिको कार्यकारिणी सदस्यमा सोनाम टासी शेर्पा, सार्की शेर्पा, काले शेर्पा पिनासा र छोङ्बा शेर्पालाई मनोनयन गरिएको छ ।
पार्टीका अध्यक्ष उपेन्द्र यादवलगायतका नेताहरुले नवगठित समितिसहितका नेता, कार्यकर्ताहरुलाई प्रशिक्षण दिएका छन् ।
