काठमाडौं, २१ माघ । प्रहरी वृत्त लैनचौरबाट खटि गएको प्रहरी टोलीले संरक्षित वन्यजन्तु कस्तुरीको विनाजस्तो देखिने बस्तुसहित दुई जना व्यक्तिहरु पक्राउ गरेको छ । प्रहरीले काभ्रेपलान्चोक पनौती– १२ स्थायी वतन भएका वर्ष ३३ का योगेन कार्की र सिन्धुपाल्चोक त्रिपुरासुन्दरी– ६ की बर्ष ३५ की पुजा बोहरालाई पक्राउ गरेको हो ।
काठमाडौं, १७ कुवाबहालस्थित राजाराम जोशीको घरमा डेरा गरी बस्ने पुजासमेतका व्यक्तिहरुले डेरा कोठाभित्र अवैध रुपमा संरक्षित वन्यजन्तु कस्तुरीको विना बिक्री बितरण गरिरहेको भन्ने गोप्य सुचनाका आधारमा प्रहरीले खानतलासी गरेको थियो ।
खानतलासी गर्दा प्लाष्टिकको बट्टाभित्र लुकाई छिपाई राखेको अवस्थामा संरक्षित वन्यजन्तु कस्तुरीको विनाजस्तो देखिने २ थान वस्तु फेला पारेको हो । बरामद भएको वस्तुसहित उनीहरुलाई नियन्त्रणमा लिई थप अनुसन्धानको लागि जिल्ला वन कार्यालय हात्तिसार पठाइएको प्रहरीले जनाएको छ ।
