काठमाडौं । तेस्रो एकदिवसीय खेलमा नेपालले टस जितेर बलिङ रोजेपछि क्यानडाले ब्याटिङ गरिरहेको छ।
कीर्तिपुरस्थित त्रिवि मैदानमा ब्याटिङ गरिरहेको क्यानडाले २७ अोभरमा ४ विकेट गुमाएर १०१ रन जोडेको छ । नेपालविरु४ अर्धशतक हिर्काएका नवनित दलिवाल ललित राजवंशीको बलमा आउट भएका छन् ।
८२ बलको सामना गरेका उनले ५० रन जोडेका थिए । उनी अफसाइडको बल तानेर खेल्ने धुनमा लङअनमा आकाश चन्दबाट क्याच आउट भएका हुन् । दलिवालको ओडीआई करिअरको पहिलो अर्धशतक हो । यसै सिरिजमा पहिलो खेलमा नेपालविरुद्ध ओडीआईमा डेब्यू गरेका थिए । उनी पहिलो खेलमा ६ र दोस्रो खेलमा ४६ रनमा आउट भएका थिए ।
यसअघि लगातार दुई खेल जित्दै नेपालले सिरिज जितिसकेको छ।
फागुन पहिलो सातादेखि सुरु हुने आइसिसी विश्वकप लिग-२ को तयारीका लागि नेपालले क्यानडासँग सिरिज खेलेको हो।
कीर्तिपुर मैदानमा हुने लिग-२ को सिरिजमा नेपालले नामिबिया र नेदरल्यान्ड्ससँग त्रिकोणात्मक एकदिवसीय सिरिज खेल्नेछ।
