काठमाडौं,१ फागुन । पाल्पामा जीप दुर्घटनामा परेको छ । पाल्पाको डुम्रेबाट मस्याम जाँदै गरेको जीप दुर्घटनामा परेको हो ।
सिद्धार्थ राजमार्गको डुम्रेबाट मस्यामको चिदिस जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटनामा परेको स्थानीयले जनाएका छन् । जिप दुर्घटनामा कम्तीमा ८ जनाको मृत्यु भएको छ भने ७ जना घाइते भएका छन् ।
दुर्घटनाको कारण खुलेको छैन । प्रहरीका अनुसार, जीपमा १५ जना यात्रु सवार रहेको सूचना छ ।
घटनाको थप विवरण प्राप्त हुन बाँकी रहेको प्रहरीले जनाएको छ । मृतकको पहिचान खुलेको छैन् । घातेलार्य थप उपचारका लागि उद्दार गरेर अस्पताल लैजाने काम भईरहेको छ ।
