काठमाडौं,२ फागुन । एसीसी महिला प्रिमियर कपको क्वाटरफाइनल खेलमो कुवेतसँग खेलिरहेको नेपालको खेल प्रभावित बनेको छ । टस जितेर कुवेतले ब्याटिङ गरिरहँदा वर्षा सुरु भएपछि खेल प्रभावित बनेको हो ।
वर्षाले खेल रोकिनुअघि सम्म कुवेतले ४ ओभरमा १ विकेट गुमाएर १३ रन जोडेको छ । नेपालका लागि कविता कुँवरले विकेट दिलाएकी हुन् ।
नेपाली टोली प्रारम्भिक चरणमा तीनवटै खेल जित्दै समूह ‘डी’ को विजेताका रुपमा क्वार्टरफाइनलमा पुगेको हो । नेपालले आफ्नो पहिलो खेलमा हङ्कङलाई आठ विकेटले हराएको थियो ।
दोस्रो खेलमा नेपालले भुटानलाई पनि आठ विकेटले पराजित गरेको थियो । नेपालले आफ्नो तेस्रो खेलमा माल्दिभ्समाथि दुई सय १४ रनको कीर्तिमानी जित हासिल गरेको थियो । एसियाली क्रिकेट काउन्सिलले महिला प्रिमियर कप पहिलो पटक आयोजना गरेको हो ।
