काठमाडौं,२ फागुन । एसीसी महिला प्रिमियर कपको क्वाटरफाइनदमा कुवेतविरुद्ध नेपालकी सीता राना मगरले ह्याट्रिक विकेट लिएकी छन् ।
मलेसियामा जारी खेलमा टस जितेर ब्याटिङ गरिरहेको कुवेतविरुद्ध सीताले १२ ओभरको दोस्रो, तेस्रो र चौथो ओभरमा लगातार विकेट लिँदै ह्याट्रिक गरेकी हुन् ।
उनले १२.२ ओभरमा कुवेतकी ब्याटर प्रियादा मुरालीको विकेट लिइन् । त्यसपछि १२.३ ओभरमा उनले कुवेतकी मारयम ओमरलाई आउट गरिन् । १२.४ ओभरमा उनले कुवेतकी कप्तान अमना सरिफ तारिकलाई पेभेलियन फर्काइन् ।
ताजा अवस्थामा कुवेतले १५ ओभरमा ५ विकेट गुमाएर ६० रन जोडेको छ ।
नेपाली टोली प्रारम्भिक चरणमा तीनवटै खेल जित्दै समूह ‘डी’ को विजेताका रुपमा क्वार्टरफाइनलमा पुगेको हो । नेपालले आफ्नो पहिलो खेलमा हङ्कङलाई आठ विकेटले हराएको थियो ।
दोस्रो खेलमा नेपालले भुटानलाई पनि आठ विकेटले पराजित गरेको थियो । नेपालले आफ्नो तेस्रो खेलमा माल्दिभ्समाथि दुई सय १४ रनको कीर्तिमानी जित हासिल गरेको थियो । एसियाली क्रिकेट काउन्सिल ९एसीसी० ले महिला प्रिमियर कप पहिलो पटक आयोजना गरेको हो ।
