काठमाडौं । जनमत पार्टीका उपाध्यक्ष अब्दुल खानले प्रधानमन्त्री पुष्पकमल दाहाल प्रचण्ड नेतृत्वको सरकारमा दलित र मुस्लिम समूदायको प्रतिनिधित्व नभएको भन्दै सरकारको ध्यानाकर्षण गराएका छन् ।
आज बसेको प्रतिनिधि सभाको बैठकमा बोल्दै पूर्व खानेपानी मन्त्रीसमेत रहेका खानले २२ जना मन्त्री नियुक्त हुँदा पनि एकजना दलित र मुस्लिमले अवसर नपाएका भन्दै सरकारको जवाफ पनि माग गरेका छन् ।
खानले नेपालमा ४० लाख बढी दलित र १५ लाख बढी मुस्लिम समुदाय रहेको बताए । तर, २२/२५ जनाको मन्त्रिपरिषदमा जना पनि दलित र मुस्लिम समुदायको प्रतिनिधित्व नहुनु दुःखद रहेको बताए ।
‘म सम्माननीय प्रधानमन्त्रीसँग सोध्न चाहन्छु- के तपाईंले लागू गर्न खोज्नुभएको समानुपातिक समावेशी सिद्धान्त यही हो ?’ उनले प्रश्न गरे ।
प्रचण्ड नेतृत्वको पुनर्गठित सरकारमा दलित र मुस्लिमको प्रतिनिधित्व नभएको भन्दै रिपोर्टर्स नेपालले यसअघि नै समचार लेखेको थियो ।
पढ्नुहोस् उक्त समचार
असमावेशी प्रचण्ड सरकार: मन्त्रिपरिषद्मा दलित र मुस्लिमको सहभागिता शून्य
