काठमाडौं । मनि ट्रान्फसरका सञ्चालकमाथि रौतहटमा गोली प्रहार भएको छ । शिव मनि ट्रान्सफरका सञ्चालक २६ वर्षीय नितेश साहमाथि गोली प्रहार भएको हो ।
उनलाई गोली प्रहार गरेको आरोपमा प्रहरीले तीन जनालाई पक्राउ गरेको छ । पक्राउ पर्नेमा भारतको विहारका मनीषकुमार यादव, राजाकुमार पासवान र चन्द्रभान सिंह छन् ।
कन्चटमा गोली लागेर घाइते भएका साहलाई उपचारका लागि गौरमा पठाइएको प्रहरीले जनाएको छ ।
घटनाबारे विस्तृत अनुसन्धान बाँकी नै रहेका अहिले नै सबै विवरण आउन बाँकी रहेको जिल्ला प्रहरी कार्यालय रौतहटले जनाएको छ ।
