काठमाडौं, ८ चैत । नेकपा (माओवादी केन्द्र) का नेता एवं पूर्व राष्ट्रिय सभा सदस्य रामनारायण बिडारीले देशमा भएका अहिलेका नेतामध्ये सर्वोत्कृष्ट नेता पुष्पकमल दाहाल ‘प्रचण्ड’ रहेको बताएका छन् । हिजो (बुधबार) प्राइम टाइम्स टेलिभिजनको जनता जान्न चाहन्छन् कार्यक्रममा संवाद गर्दै उनले प्रचण्ड नेपालमा नेपाली जनताले जन्माएको नेता भएको बताएका हुन् । साथै, प्रचण्डपछि दोस्रो सर्वोत्कृष्ट नेता नेकपा (एमाले) का अध्यक्ष केपी शर्मा ओली रहेको बताए । अहिले प्रचण्डले देशको नेतृत्व गरेपछि हरेक क्षेत्रमा सुधारको आभास सुरु भएको बताए ।
‘अहिले भइरहेका नेताहरुमध्ये सर्वोत्कृष्ट प्रचण्ड नै हो । दोस्रो ओली नै हो । त्यस कारणले प्रचण्डले नेतृत्व गरेर देश बल्ल ट्याकमा जालाजस्तो भएको छ । आर्थिक स्थिति पनि ट्याकमा जालाजस्तो भएको छ । विदेशमा जानेहरुको पनि सामाजिक सुरक्षाको प्रत्याभूति भएको छ,’– उनले भने ।
अहिले भएको परिवर्तन माओवादीको प्रस्तावमा सम्भव भएको उनको दाबी छ । विकास जति हुनुपथ्र्यो त्यती भएन भन्नु स्वाभाविक भएपनि वर्तमान व्यवस्था भन्दा अर्को उत्कृष्ट व्यवस्था नरहेको उनको दाबी छ ।
