सन्दीपको मुद्दामा फैसला हुँदै, अदालतबाहिर समर्थकको ओईरो (तस्बिरहरु)

काठमाडौं,२ जेठ । नेपाली राष्ट्रिय क्रिकेट टिमका पूर्व कप्तान तथा स्टार स्पिनर सन्दीप लामिछाने जोडिएको बलात्कार मुद्दामा आज फैसला हुँदैछ । उच्च अदालत पाटनमा सो मुद्दामाथि सुनुवाई जारी छ ।

न्यायाधीशद्वय सुदर्शनदेव भट्ट र अञ्जु उप्रेतीको इजलासमा सन्दीपको मुद्दामा सुनुवाई जारी छ । सो मुद्दामा आजै फैसला आउँदैछ ।

यसैबीच उच्च अदालतबाहिर र आसपास क्षेत्रमा अहिले सुरक्षा व्यवस्था कडा पारिएको छ। अदालतबाहिर सन्दीपका समर्थकको भीड लागेको छ।

बलात्कार मुद्दामा जिल्ला अदालत काठमाडौँले ८ वर्षको जेल सजाय सुनाएपछि सन्दीप यसको बदर माग गर्दै उच्च अदालत गएका हुन्। तस्बिरहरु: मुकुन्द कालिकोटे/ रिपोर्टर्स नेपाल