काठमाडौं । नेपाली कांग्रेसका सांसद रामहरि खतिवडाले विभिन्न देशमा गरिएको राजदूत नियुक्तिको सिफारिसमा विभेद भएको भन्दै प्रश्न उठाएका छन् ।
मंगलबार बसेको प्रतिनिधि सभा बैठकमा परराष्ट्रमन्त्री समेत जिम्मेवारी सम्हालेका प्रधानमन्त्री पुष्पकमल दाहाल प्रचण्डसँग प्रशन गर्दै नाता र दाताका आधारमा राजदूत नियुक्त गरिएको हो ? भन्दै प्रशन गरेका छन् ।
सांसद खतिवडाले भने ‘फेरि नयाँ राजदूतहरू नियुक्त गरिए, केहीले यसमा मेरो रुचि नै छैन है भन्दै बिचैबाट भागेको देखियो । केही स्वार्थ बाझिने गरी नाता र दाताका आधारमा नियुक्त गरिए । म्यानपावर व्यवसायीहरू त्यहाँ पेसा गर्न नियुक्त भए भन्ने खबर सुन्नमा आएको छ भन्ने सुन्नमा आएको छ जवाफ चाहियो ।’
