काठमाडौं । प्रतिनिधि सभा बैठकमा प्रधानमन्त्री पुष्पकमल दाहाल प्रचण्डले विश्वासको मत मागेका छन् । संविधानको धारा १०० को उपधारा २ अनुसार दाहालले विश्वासको मत मागेका हुन् ।
सत्तारुढ दल एमाले र जसपाले सरकार छाडेपछि प्रचण्डले विश्वासको मत लिन लागेका हुन् ।
असार १७ गते नेपाली कांग्रेस र एमालेका बीचमा राष्ट्रिय सहमतिको सरकार बनाउने समझदारी भएको थियो। उनीहरूबीच आलोपालो सरकारको नेतृत्व गर्ने विषयमा सहमति भएको थियो ।
दुई ठूला दलबीच नयाँ सरकार बनाउने विषयमा सहमति भएपछि सरकारमा रहेका एमाले, जनता समाजवादी पार्टीका मन्त्रीहरूले समर्थन फिर्ता लिँदै राजीनामा दिएका थिए। सरकारमा सहभागी दलले समर्थन फिर्ता लिएपछि प्रधानमन्त्रीले आज विश्वासको मत लिन लागेका हुन्।
सदनबाट विश्वासको मत माग्दै प्रचण्डले सरकारले थालेको सुशासनको कामबाट डराएर नयाँ समीकरण बनेको आरोप लगाएका छ्न । उनले दुई दल सरकारको सुशासनको डरले एक ठाउँमा आएको जिकिर गरे ।
‘कांग्रेस र एमोल के कारणले मिले त्यो मैले भनिरहँन पर्दैन । तपाईंहरु आफैँ मिल्नु भएको होईन् । तपाईहरुलाई मिलाईएको हो । यो घाम जत्तिकै छर्लङ्ग छ ’ प्रचण्डले भने ।
