काठमाडौं । काभा महिला भलिबल नेसन्स लिगमा नेपालले आज इरानसँग प्रतिष्पर्धा गर्दैछ । फाइनल प्रवेशका लागि आज जित्नै पर्ने दबाबका साथ नेपाल मैदान उत्रिनेछ ।
यसअघि इरानसँग भएको खेलमा नेपाल पराजित भएको थियो । तर, आजको खेलमा इरानलाई पराजित गर्दै फानल पुग्ने नेपालको लक्ष्य छ ।
यसअघि नेपालले श्रीलंकालाई ३-०, भारतलाई ३-२ ले पराजित गरेको थियो भने र इरानसँग ३-२ ले पराजित भएको थियो । त्यस्तै माल्दिभ्सलाई ३-० को सोझो सेटमा पराजित गरेको थियो ।
पहिलो सेमिफाइनलमा आज भारत र श्रीलंकाबीच प्रतिष्पर्धा हुनेछ ।
