काठमाडौं, ९ भदौ । नेकपा (एकीकृत समाजवादी) को केन्द्रीय कमिटी बैठक सुरु भएको छ । बिहान ११ बजेदेखि सुरु हुने भनिएको बैठक ढिलागरी साढे १ बजेबाट सुरु भएको हो । आजदेखि सुरु भएको केन्द्रीय कमिटी बैठक ११ गतेसम्म जारी रहने बताइएको छ ।
बैठकले १८ जना पदाधिकारी चयन गर्ने बताइएको छ । गत असारमा सम्पन्न पार्टीको १०औं महाधिवेशनले अध्यक्ष, महासचिव र सम्मानित नेता सर्वसम्मत चयन गरेको थियो । फोटोः मुकुन्द कालिकोटे/रिपोर्टर्स नेपाल
